MIRROR ACE｜十子出席記者會宣傳新節目 姜濤獲封好勝ACE Ian當選策略ACE
AM730 · 2 SOURCES1 day ago3 MIN
Summary
MIRROR全新團綜《MIRROR ACE》即將於下周一（12日）隆重登場，十位成員昨日（4日）穿着整齊團服出席記者會為節目宣傳，現場位於三層商場，早已被粉絲迫爆，場面相當墟冚。隊長楊樂文（Lokman）及王智德（Alton）因工作未能出席。其餘十位成員包括AK江𤒹生、姜濤、陳卓賢（Ian）、盧瀚霆（Anson Lo）、呂爵安（Edan）、柳應廷（Jer）、李駿傑（Jeremy）、邱士縉（Stanley）、邱傲然（Tiger）及陳瑞輝（Frankie）分享拍攝點滴，氣氛熱鬧。
Key Points
- 姜濤當選「好勝ACE」，Tiger率先踢爆，指姜濤一有球類活動就會變身，好勝心爆發，他解釋：「贏唔贏都唔緊要，想盡力。」姜濤自爆為了一千元獎金，足足追了節目組三天。Stanley笑言：「愈有錢嘅人，就愈想要多啲錢。」Ian則高票當選「策略ACE」，Stanley形容：「用最少嘅力氣去達到最大功效。」Edan票數稍遜於Ian，他謙說：「佢係大智慧，我係小聰明啫。」但「蠱惑ACE」就由Edan眾望所歸當選，Jer踢爆：「佢明明喺淘汰區，但係要出嚟搞下事，影響大局，最尾輸咗都有錢攞。」
- Jer當選「口是心非ACE」，Edan急不及爆出他唔食又食的黑歷史。Edan指有一次收工後相約Jer、Anson Lo、Stanley及Jeremy一齊打邊爐，起初Jer推說很疲累又要減肥，但被成功說服後就狂點食物：「午餐肉、蝦餅、黑毛豬、肥牛……最尾自己食最多。」Anson Lo即場為Jer改名做「Vivienne」（劇集《老表，你好Hea！》），口裡說不，身體却很誠實。主持沈殷怡要求「Vivienne Lau」以可愛驕俏的聲音介紹團綜，Jer介紹完後即靠在Edan膊頭上，表示非常尴尬。
- 受訪時Jer解釋：「本身唔想去，但難得齊人，其實好攰同埋想減肥，我知道去到會食嘢，所以諗住唔去。」Anson Lo笑言在打邊爐期間想起《老表，你好Hea！》中的細細粒（陳嘉佳）飾演的Vivienne，指 Jer 無Say No，可以將Vivienne發揚光大。Edan就話：「人哋叫細細粒，你就大大粒。」並為Jer搲撈，笑言打邊爐食店可以找他代言。Edan透露自己已不是第一次被這樣「呃」，有次在Anson Lo屋企打邊爐都是唔食又食。問到可會跟細細粒合作，Edan笑稱可以一齊做食播：「我望住佢食嘢。」
- Ian自覺「潮咗」，表示：「知道佢哋鍾意啲乜，唔當佢哋係小朋友，但我係叔叔。」他又以10秒時間大讚姜濤：「好有個人想法，同時亦很有團隊精神、好有義氣又好照顧身邊嘅人。」姜濤被要求「禮尚往來」以30秒讚美回禮，他表示：「Ian好聰明，但聰明得嚟都會配合大家，因為有時太聰明，我哋跟唔到，停低腳步去遷就我，仲識作曲填詞。」
- 姜濤近日成為狗主，他自言會親自放狗，但希望保持低調：「希望大家畀啲空間我哋，盡量唔好影相，我都控制唔到大家。」他亦有請教AK和Ian照顧狗狗的經驗。Edan就被隊友指「集集贏錢」、「袋咗幾皮嘢落袋」，他苦著臉呼寃，但又反指姜濤和Anson Lo比他有錢，他說：「我用實力贏！懷疑用本身飛外地嘅budget擺咗落獎金度。」