我的中國心丨張明敏紅館申請六次石沉大海 轉戰啟德即獲批 坦言只敢開一場怕滯銷

香港歌手張明敏今日宣布，十一月二十八日在啟德體藝館舉行個人演唱會，這是他出道超過四十年來首次在港舉行個唱。張明敏在記者會上透露，過去十年曾六度申請紅館演出，但始終沒有收到任何回覆，及後在朋友鼓勵下轉投啟德體藝館，結果一次便獲批准，令他深感感激。杜燕歌、李龍基現身支持。

張明敏的個唱獲批，反映啟德體藝館正逐步成為替代紅館的演出場地選項。這位以愛國歌曲見稱的歌手，終於能在港舉行首個個人演唱會，對本地音樂界及支持者而言別具意義。 張明敏今日出席記者會宣布個唱詳情時表示：「喺呢十年裏面，我諗應該係申請咗六次，但係都冇回音。」他坦言今次能夠成功申請啟德體藝館，令他非常感激：「我心願都係喺香港做一個個人演唱會，所以非常之感謝今次。」問及緣何只開一場，他笑說：「驚賣唔晒。」他解釋香港人的購票習慣時指出：「個個都唔鍾意去啟德㗎。香港人好鍾意落車就去紅館，你叫佢喺啟德花十零廿分鐘，佢都覺得唔方便就走啦。」 談到演出內容，張明敏表示過往在港演出多為抗戰歌曲、《我是中國人》等大愛作品，「冇一啲好小愛嘅歌曲」。今場演唱會將分為幾個段落，包括文革歌曲、抗日戰爭歌曲，以及六七十至八十年代的國語流行曲，「係一個國語歌嘅一場介紹」。他更透露有意邀請學校及小朋友一同參與合唱愛國及抗戰歌曲，「等啲同仁都能夠一齊參與。」服裝方面，張明敏打算穿中山裝上台：「想將嗰個感恩嘅心講俾佢哋聽。」 對於嘉賓安排，葉佳修已答應支持，張明敏視之為盛事：「以前台灣歌手嚟香港係家常便飯，最近幾十年少之又少。」問到杜燕歌會否擔任表演嘉賓，張明敏知悉對方在內地拍劇檔期緊逼，但仍希望其到時幫忙，更笑指對方「都好口痕，希望佢到時幫我啦。」